أفضل الأعضاء في هذا المنتدى
آخر المشاركـات
941 المساهمات
800 المساهمات
708 المساهمات
701 المساهمات
693 المساهمات
661 المساهمات
605 المساهمات
511 المساهمات
500 المساهمات
500 المساهمات


اذهب الى الأسفل
avatar
رؤوف
عميل خبير
البلد |✧ : الجزائر
عدد المساهمات |✧ : 701
تاريخ التسجيل |✧ : 03/09/2018
الجنس |✧ : ذكر

عام غلا قصة رائعة بس طويلة

الأحد سبتمبر 16, 2018 9:31 pm
بعدها بشهر عمر كان بداره وغلا بعد يدرسون لامتحان (العربـي) وغلا مشتطه فالدراسه وايد لانه اخر يوم ،، وعمر متملل مب عارف شيسوي ( غلا ، غلا ، غلا... ) شلون اوخرها عن مخي ؟؟؟؟؟؟؟ تعبت والله تعبت لعبت بحسبتي يننتني ، مب حاسه فيني كلش كل اللي تشيله لي مشااعر أخوه ، وأنا نبض قلبـي كله لها ..افففف شسوي ،،،، لمعت فباله فكره عجيييييييييييييييبه وقال ( خلاص باجرر انفذها ، غلا لازم تحس فيني وتعرف اني احبها.. احبهاا ؟؟؟؟ والله اني عيار اموت فيهاا انااا ،، والله انج مب هينه ياغلوي ) 
قعد يدرس ولايدري شيدرس وغلا شوي كانت تفكر فيه بس تزحمه عن تفكيرها ،، خذت فترة راحه وطلعت تاكل مالقت حد ،، تدور فكل مكان محد ارجعت الصاله لقت خالد (بسم الله متى جا ؟ ،، وااااااي يحلاة البرمودا هههههه فظييع ) .. 
خالد كان لابس برمودا بيج وتيشيرت ابيض للبيت عليه رسمه يد بشكل أوكي وكتوب Looking wow هههه ،، ***عجيب هاا !***
خالد يبتسم لغلا وشكله كلش كلش مب طبيعي طالع : هلا وغلا بغلا 
هلا استخفت ( لا اكيد عقلي بيزرر الحين) : أهـ .. أهلين خالد ،، متى جيت ؟
خالد : توني ، حكوا المصباح السحري وطلعت
غلا: ههههههههههههههههههههههههههههههههههههههههههههه ههههه هههههه ههههههههههه 
خالد (يحليلها ) : حد يدلدغج غلا ؟
غلا : هههههههههههههههه لالا هههههههههههههه محد هههههههههههه...
خالد: هههههه عيل شفيج متروسه ظحك ؟ من سنه ماظحكتي 
غلا :هههههههههههههههههههههههههههههه شدعوووووى 
خالد : لالا البنت ينت شفيج ههههه و ههههههه ماعندج غيرها
غلا (يه) : ماظحك يعني ؟
خالد (بل) : ماقلت شي انا
غلا : ههههههههههههههههههههههههههههه
خالد : ردينااااااااااا ،، تدرين شلون .::!::. ههههههههههههههههههههههههههههه
غلا :هههههههههههههههههههههههههههههه 
بعد صمت قليل 
خالد: وينه عمور ؟ ماخلص دراسه كلش بيطلع الاول وانا مادري
غلا : مادري والله انا قلت بطلع اكل شي 
خالد : خل يجيبون لج أكل !
غلا : لا ماعليه انا بنزل تحت وبشوف 
خالد : اللي تبينه . وقعد يفرفر فالتلفزيون دعس شريط فيديو قعد يطالعه وهومتملل ..
دخلت من بعدها لطيفه وخالته وودلدها الصغير ( نواف ) .. 
سلم عليهم خالد وشال نواف يلاعبه بو الـ 3 سنين ،، شاله على جتفه وشوي ونواف يوصل السقف ( هههههههه ) ،، نزله بعدها على الارض وخالاته يشوفون ششارين 
جاه نواف وعطاه مصاص خالد استانس يموت على المصاص بس ماياكله وايد فتحه وقعد ياكل 
خالد : يممممه 
لطيفه : هممممم ( وهي لاهيه )
خالد : وين ابوي ؟
لطيفه : ............ ( ماترد )
خالد : لطيف ، لطوفه ، لطوفتي ..
لطيفه : ...........
خالد : ماتبين تردين هااااااااااااااااا ؟
لطيفه : شتبي شتبي يالحنااااااااااان
خالد: يمممممممممممممممممممممممممممممه شفيج ماناديج يعني
لطيفه : خلص 
خالد : ولاشي حنانه الله يهداج مابي اقولج وخري عني الله يسلمج
لطيفه وخالته : هههههه والله انك مينون
خالد : ههههههههههههه والله شسوي حد قالج جيبي ولد مينون ؟
لطيفه تبوس خده : وي فديت ولدي انا
خالد اول مره يستحي جدام خالته قعد يتمشى مع نواف نزلو لغلا 
خالد : احم احم يصير ندخل؟ 
غلا : ههههه أي 
خالد : ها غلا ولاتعزمين ولا شي افا بس افا ياغلا 
غلا: هههه ، لا والله مادريت انك تبي بعدين انت كنت فوق مادريييت انك يوعان
خالد : حررره نواف ماعطيني مصاصه يبوس راس نواف 
نواف : اغغغغغغغغغغغغغغ
غلا : ههههههههههه يحلوه من هاي؟
خالد : ولد خالتي وخالتج  
غلا : يحلووه عطني شوي بشيله 
خالد : ههههه لالا وخري تطيحين ولدنا تبلشنا امه
غلا: الله يخليك خالد والله يجنن
خالد : يابنيه يوزي قلنا لج مافي 
غلا : يالله علييك نحيس
خالد : هاتي ترخيص من فوق
غلا : هههههههههههههه مايسوى علي بشيل شنو 
خالد : شنو شنو بعد ، ها ، هذي نواف شيخ اليهال اصلآ 
غلا وهي منترسه ظحك : لالا توني ادري والله
خالد وهو منترس اكثر : ها عباااااالج نواف خطير
نواف يعطس : اتشووووو !
خالد & غلا : ههههههههههههههههههههههههههههههههههههههههههههه ههههه هه
خالد : عشت عشت ،، يوووه صج ياهل بوديه انا يلا غلويه سلملم
غلا :هههههه بباي
راح خالد على الدري وهو يغني لنواف اغاني خرابيط وعمر نازل 
خالد : هااااا شيخهم ، على ووين ؟
عمر : مادري 
خالد : مظيع الاخ ؟
عمر : هههههههههههههههه وانت 24 ساعه مودك مفول ماشفتك مبرطم 
خالد : بل عليك يالكلببببببببب هاي واانا اخوك شبه وعود فعينك يالخراااااا
عمر : هههه الله يسلمك 
خالد : انجلع 
عمر يهز راسه ، نزل لقى غلا فالصاله الصغيره تشغل التلفزيون وتتعبث قعد يسرق النظر ويشوفها ، حلووووووووووه الملعونه 
وقعد يطالع ويتفكر فيها بكل حركه تسويها صاده ابوه 
سعود : عمررررررررررررررر !
عمر تخلبص لدرجة ان غلا انتبهت له وانه كان يطالعها : سم يبا ؟؟
سعود : شتسوي هني ها ؟
عمر : ماسوي شي يبا مار عادي 
سعود وهو يبين لعمر انه فهم : لاتجي من هالصوب مره ثانيه دام بنت عمك فيه
عمر : أمرك يبا 
وراح سعود 
مرت غلا من جدامه ولاحتى التفتت له 
عمر بحنيه فظيعه : شفيج علي غلا؟ 
غلا (وااي) : مافيني شي
عمر : زين وقفي بكلمج شوي 
غلا : ماكفاك انك تطالعني من مساع!
عمر حس بذنبه وتمنى روحه تطلع ولا ظيقة غلا
عمر : اسف غلا ..
غلا : ------------------..
عمر : من حقج تسوين فيني اللي تبين وتمسحين فيني الارض 
غلا ( بل ) : !!
وراح عمر داره ، غلا ماتوقعته حساس لهدرجه وايد زعول والمشكله غلطته
غلا احتاارت حست عمر شدها وايد بكلامه تصرفاته خصوصآ خوفه عليها 
غلا وانا شعلي الحين هو ولايدري عن هوى داري << يحليلج والله ..
تسبحت وطلعت نشفت شعرها لبست بجامه ورديه فيها بلو ريبونز طلعت ملابسها لبكره وانسدحت تنام وهي تلعب بخصل شعرهاا .. 
تفكر بعمر ،، يحليلاته اليوم مقصقص شعره فظيييع ولا ظحكته وااي مب طبيعي ، بس ليش كان يطالعني ؟ يمكن عمي ظلمه ؟ ولا فهمه غلط ؟ ويييييي ياحلوه ،،، ودعست راسها بين المخده تخفي حمرة خدودهاا اللي من تفكر بعمر تطلع ...




--------------------------------------------------------------------------------




قام عمر من نومه وكشخ كشخه ماوراها كشخه بالثوب المفصل من الزين الخلق الابيض العجيب والغتره السنعه ونسفها وعدلها تعطر من فوق لي تحت تسبح بالعطر اللي يدوخ صج راح دار خالد بعد وتعطر وحط شوية دهن عود ،، وخالد غايب عن شغله ونايم لف عليه لقاه وهو نايم متصاري مع بجامته السودا ونايم على بطنه وشعره منكوش روعه 
غلا قامت ولبست ملابس المدرسه وعجفت شعرها ولمته كحلت عينها فحمتهم وقعدت تكمل لبس ساعات ، شغابات ، خواتم ... إلخ (انتوا عارفين البنات مايخلص تعدلهم مول ) ..
شالت شنطتها ولبست عباتها وشيلتها وتعطرت على خفيف بس الريحه لزقت فيها ونزلت..
غلا اول ماطاحت عينها على عين عمر تجمد قلبها ( ويه ويه شزينه شحلوه وشو ذي ) عمر كان طالع صج وسيمممم من قلب ولا القفل مسكت كان اول مره يسوي القفل بالطريقه اللي بدون الخطين على الجنب وطاااالع مب طبيعييييييييييييييييييييييييييييييييييي غلا ينت 
سعود على طاولة الاكل : تعالو يبا ، تعالي غلا اكلي 
غلا وعمر راحو : صباح النور غلا
غلا تبتسم : صبااح النور عمررر 
عمر تطالع امه ( يايمه قلبي كله منها قلبييييييي بيوقف ):  ابتسم لها وقعدوا ياكلون
عمر يشوف ابوه مب لابس بملابس البيت : يبى ،، من بيودي غلا عيل؟ 
سعود : انا شوي راسي مصدع اليوم ودها انت والدريول 
عمر (ايوااااااااااااااه احسنييييين ) :  انشالله يبا ، بامرك
غلا الي ظاعت : ومن بيرجع ياخذني عمي ؟
عمر : الدريول 
غلا: اهااا .. 
عمر قام عن الطاوله مخلص اكله فتح باب البيت القزاز ويكلم غلا باسلوب ذباح << والشمس اشعتها داخله من القزاز ظاربه على نظارته العاكسه ونص وجهه ..
عمر : الغلا انا فالسياره 
غلا بققت عينها شيقول ذي؟ شنو الغلا ؟ وهذيلا ساكتين بعد خوش تربيه ؟ بس يحلوك وبعد الله يسامحك ماحب جيي انا ياعمر ..
طلعت غلا مب باب البيت وقطت الغشوه على ويهها ركبت السياره وعمر جدام ( افف ابي اركب ورا .؟ ها انا شقول عمور اثقل ) اييه جي خلك يعدل كمر الثوب 
عمر : هلا غلا شلونج للامتحان ؟
غلا : زينه ..
عمر حس مالها نفس تتكلم سكت عنها وشغل اغاني ( ههه من الصبح متفيق حده ) شغل اغنية عبدالمجيد .. تشطر ..
..(( أحبك.. يعني مو دااري ؟ ولاحسيت في ناري ؟
كفايــه تشغل افكاري .. تشطر عاد وافهمها
أحبـــــك ، أحبــــــــك ، أحبك يعني مو داري ؟؟ ))..

غلا تخلبصت لايكون قاصدني بالغنيه عمور ؟ والله يسويها ماوعت الا عمر ملتفت عليها ورجع صد غلا وييييييييي شفيه ذي 
وصلت غلا المدرسه ونزلت 
عمر يطالعها ومشى عنها وقبل لاينزل مدرسته قال لدريولهم سراج 
عمر : سراج تعال لي انا قبل بعدين جيب غلا اوكيه ؟
سراج : ليييش ببا ؟
عمر : ( بعدددددددددددد ! ) مالك خص تعاللي قبل وماعليك يلا سلام 
سراج : اوكي أومر ..
غلا كان امتحانها فترتين وعمر فتره وحده قال عشان مخطط فكرته ياخذونه قبل ومايروح البيت يروح ينطرها وياخذها وينفذ خطته اللي مفكر فيها

.................................................. ...............................................

~*¤ô§ô¤*~( الفصل الثالث) ~*¤ô§ô¤*~ 


غلا اللي كانت قاعده وياعاليه تقول لها عن حركات عمر من بعد الفتره الاولى من الامتحان 
عاليه : وييييييي شفيه ولد عمج ؟ لايطيحج فمشكله غلوي 
غلا : شفتييي ! انا ماقدر اقول شي والله
عاليه تاكل : امم صح 
غلا : بس يجنننننننننن عاليوووووه ، وايد حلو 
عاليه : والله ماينعرف لج تتشكين منه وتقولين حلو 
غلا : ههههههههههه عيال عمي 2 × 1
(( يضربون كف ـبـ كف )) ... عاليه : ههههههههههههههههههه .. 

من بعد ماطلعو من الفتره الثانيه وخلصو 3 ثنوي كلش كلش الصياح والوناسه وكل التفاعلات ( ههه اهم شي ) قايم وغلا تسلم على رفيجاتها بتطلع .. 
تتلقاها وحده : غلوووووووووووووووي واحد جميل برع 
غلا :ههههههه يوزي نوروه عن الهبال 
نور : لالالا والله لا حتى بنفس سيارتكممم 
غلا اختبصت لان البنات قاموا يطالعونها ( شتقول ؟ ) : وي ؟ من !
نور : مادري 
غلا : خلاص انا بروح اشوف ،، يلا عاليه 
عاليه تصاصرها : اكيد الخايس ولد عمج 
تغشو وطلعو عاليه تشهق فاذنها : لالالا اسحب كلمتي مب خايس مب خايس
غلا : هههههههههههههههه علووووووووي هبله ههههه شفيج هاي عمر 
عاليه : انزين حبيبتي انتي روحي وكلميني لا فظيتي 
غلا : اوكي حياتي سلمي على كل البنات قولي لهم احبهم ولاينسون الحفله اوكيه!
عاليه : انشالله .. الله وياج 
غلا : باي عمري
وراحو عن بعض وغلا محترقه من حركة عمر ركبت السياره وعمر متشقق حده طيحت غشوتها ،، وقالت ................
غلا : ممكن افهم شهالحركه عمر ؟
عمر (اوب ) : ليش غلا شسويت الله يهداج؟
غلا : شنو شسويت عمر لو حد يشوفونا انت ولد عمي جاي تاخذني
عمر سكت عنها وغلا انقهرت بعد مايرد 
من بعد ماطلعو عن مدرستها وعمر موصي سراج يطول الطريق قد مايقدر وقفه على جنب وركب عند غلا بس بعيد ..
غلا بققت عينها على هالحررركه اللي سواها 
غلا : شفيك ياعمر الله يهداك ؟
عمر وهو يتكلم بطريقه تعور القلب : شفيج علي غلا ؟
غلا (ابيه ) : ................ ،، ماله داعي هالحركه عمر اقعد جدام وكلمني 
عمر : لاتستعبطين وخليني اقول اللي عندي بعدها سوي اللي تبين 
غلا ترفع حاجب ... 
عمر : غلا ششعورج صوبي ؟
غلا : ها! شلون يعني 
عمر : يعني شتكنين بداخلج لي لما تشوفيني شتحسين فيه ؟
غلا : عادي
عمر انصدم : عادي غلا ؟ يعني ماحسيتي لشي ؟
غلا استحت: .. شي ؟ حسسني 
عمر: ياريت تسمعيني وماتقاطعيني واذا عصبتي مب تذبحيني 
غلا : ههه هات شعندك ؟
عمر استانس : اوكيه ،،، غلا انتي من اول يوم جيتي بيتنا وانا هابه مثل الريح علي اللي كفختني ووعتني على اللي انا فيه ،، على حياتي على عيشتي شلون صايره وشلون لازم تصير .. 
وعتني على هالآيه من الجمال اللي جابها عمــي .. بكل حركه كنتي تسوينها كنت اشوفج روعه فعيوني ،، يمكن تقولين هاي يجامل ؟ يلعب يبي يورطني بس انا ياغلا والله شاااااااهد على كل مافقلبي لج إن قلبي لج ونبضه وكل مافيني يــ .. (ينتبه لكلامه ) غلاا .. غلا انا ..!

غلا والصدمه مرسومه عليها لين الحين : انت شنو ؟
عمر : وهو كاسر عينه : أنا احبج يابنت عمي ..
غلا (هااااااااااااااااااااااااااااااااااااااا!) : تحبني ؟ انا؟ من متى ؟ شلون 
عمر: كلام وايد داخلي لو ابي اطلعه ماعرف كلام الدنيا مايكفيه حبيتج من اول ماشفتج غلا غلا الله يخليج لاتزعلين علي صدقيني انا بعد النتايج بخطبج 
غلا : ها تخطبني ؟ 
عمر بخوف : إي ؟
غلا: والجامعه ؟ 
عمر : درسي مامنعتج 
غلا ماحبت تتطرق اكثر فالموضوع عشان مايحسه انها عادي وحركته اوكيه وكل شي وقف سراج مره 2 وركب جدام وهو مسند راسه وكل شوي يخز غلا فالمنظره 
غلا الي قعدت تفكر في كل كلمه قالها ..
(( وانا بعد عمرررررررر حبيتك حمدالله انك حاس فيني ،، ماتوقعتك بتحبني بس ليش سويت جي بس احببببك احبك عمر ))...
نزلت غلا وسيده غرفتها لاقعدت وياهم ولا غدا ولاشي ..
خالد بعد ماقعد عمر حذاه : شفيها غلا ؟
عمر : مادري؟
سعود: يااااااااااااااااااااغلا ،، غلا !
غلا ترجع له : نعم عمي .. 
سعود : شفيج يبا ولاعبرتينا !! 
غلا: اسفه عمي ماانتبهت تعبانه شوي ( تبوس راسه ) اسمح لي ، تلف على خالد : شلونك خالد ؟ 
خالد: حمدالله الله يسلمج .. يبي خل تروح ترتاح بعد من قدهاااا خلصت امتحاانات 
غلا ابتسمت له من غير خاطر وراحت ..
(( بعدها باسبوع ثاني يوم منه العصر )) .::!::.
عمر دخل على خالد اللي كان بداره على النت ..
عمر : هاااا خالد .. مانمت !
خالد : لا والله مافيني نوم 
عمر : اييه
خالد حط لاب توبه ستاند – باي وقعد لانه درى ان عمر فحجله كلام 
خالد وهو يظحك : هات هات شعندك قول
عمر : ههههههههههههههههههههههههههههههه 
خالد : ها حبيب قلبي شفيك ؟
عمر : احبها خالد !
خالد : اولــه من هالمسكينه ؟
عمر : لا جد خالد .. 
خالد : أمرك ،، قولي من ؟ غلا صح ؟
عمر ينزل عينه فالارض : أي 
خالد : والله كنت داري طلعت مب سهل ياعمور ،، ههههه يحليلك والله ، والله وكبرت وقمت تحب ها
عمر : أي والله وانا جيت اقولك ابيك توقف وياي بقول لامي وابوي وعمامي بعد النتايج واخطبها
خالد : من صجك عمر ؟
عمر : إي خالد انا احبها وبخطبها لان حياتي بدون غلا ولاشي ( يمثل بيده ) 
خالد : فكر عدل ياعمر ، البنت يتيمه 
عمر عوره قلبه : انا هالشي حببني فيها اكثر 
خالد : اللي تشوفه 
امهم تصرخ عليهم من تحت : خاااااااااااااااااااااااااااااااااااالد .. عمرر .. وينكم 
عمر يصفق جبينه : اووه نسيت امي تبيك تبيك
خالد يلا قوم 
ونزلو لقى غلا وامه طالع عمر وعمر يظحك غلا حست في شي وعليها 
غلاا : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لطيفه : شعندك انت وياه ؟
خالد يطالع عمر وعمر ممن قلب انحرج من خالد 
خالد : هههههههههههههه سلامتج يمه 
وقعدو وكل شوي عمر يطالع غلا هو وخالد وتطيح عينها فعينهم وتختبص ( شفيهمممممم؟؟) 




--------------------------------------------------------------------------------




¸.•´¯`•.¸><((((؛> الفصل الرابع <؛))))><.•´¯`•. 


ثاني يوم كان يوم النتايج وغلا مانامت من الخرعه والوسااوس اللي فيها تفكر بالشيئين عمر وسالفته ونتيجتها ،، ماتت ماتعرف شتسوي تحس التفكير ياكل مخها ..
من الساعه 6 غلا لبست ونزلت اتصلت حق عاليه 
عاليه وهي نايمه : الووووو؟؟؟
غلا : عليوووووووووه قوميييييييي خستي نوم اليوم النتااايج..
عاليه : وخير انشالله شسوي الله يخليج اطق صبع؟
غلا : مالت عيلج سمعي انا سمعت ان بتنزل على النت بس انا ماعرف من وين 
عاليه : ولا انا بشوف حد يعرف سايت الوزاره وبعطيج من الصبح والله متفرغه
غلا : مالت عليج انا بنطرج تردين عليه اوكيه! لاتبطيـــــــــن علايه بليز..
عاليه: اوكي انشالله بباي..
غلا : مع السلامه ..

سكرو من بعض وغلا ميته ماتقدر تقعد دخل خالد للبيت على الساعه 8 ونص وهو شكله يجننننن مستأذن من دوامه ومتكشخ بالترمبه كان لابس نظاره سوده والشنب والقفل سوود طالعين روعه مع سماره ..

يبتسم بابتاسمه تطيح : صباح النور غلا..
غلا ( وااي كلش مب وقتها ) : صباح الخير هلا خالد ..
خالد : هاا نتايجكم اليوم
غلا بارتباك فظييع والرجفه ورقلة صوتها مبينه : أي الله يستر بس
خالد حسها وايد ياهل ويبي يربرب على جتوفها يهديها كسرت خاطره وايد : لا ياغلا ماعليج انشالله نتيجتج زينه انتي ماشالله عليج من الاوائل لاتخافين
غلا: بس خالد انا ماسويت زين متأكده أكيد مب جايبه نسبه عاليه ( تذكرت رفيجتها ههه ) .. ونبي سايت الوزاره الساعه 10 قالو تنزل النتايج :'(
خالد : هدي اعصابج ياغلا انا اعرفه تعالي وياي بفتح النت ونشوف ريحي انتي بس
غلا تمشي وياه وهي تفرك يدها من الخرعه اول مره يصير لهم هالموقف وتحس بكل الحنيه حق خالد ولد عمها على حركته للمره الثانيه ..

قعدت غلا على كرسي حطه لها خالد حذا الكمبيوتر .. وراح جاب كاس ماي..

خالد : هاااج شربي والله قلبج بيوقف 
غلا : مابي خالد تعال شوف الله يخلييك
خالد : بزعل ياغلا شربي قبل
غلا شربت شوي 
شبك خالد النت وفتح السايت والنتايج لين الحين مانزلت ... 
غلا شهقت : هيييييييييييييييييييي( يعني شهقت ) ،، اكيييييد رسوب وايد
خالد استخف عليها : هههههههههههههههههههههههههههه اعوذ بالله لاتقولين جي لين الحين الساعه توها 9 باقي ساعه 
غلا : لالالا اكيد في شي 
خالد : والهيس عمور وينه 
غلا ( عمر ! ) : عمر نايم 
خالد : يارووووووووووووووحي على البارديييييين 
غلا تبتسم بخرعه ..
راحت ورجعت عقب 11 دقيقه بالظبط خالد نسى سكر الويب 
غلا : شوفه الحين يمكن حطوه 
خالد : يااالله عليج تونا شايفينه مامداهم 
غلا : انت جيييك 
خالد فتحه ولين الحين لانزلو ولاشي 
غلا : اكيييييييييد رااااااسبه ودور ثااااااااااااااااااااااااااااااني (تخش ويهها)
خالد بجديه : ياغلا عن هالكلام لاتخرعين عمرج ترا ها والله ازعل عليج وماطلع لج نتيجت 
غلا : لالالالالالالا خلاص خلاص بسكت (وتنزل عينها ) ،،، رجعت رفعتها وشافت خالد واقف على جنب
خالد : إييه تسنعي (يغمز لها )
غلا ( من كثر مااستحت من حركاته ): خااااااااااااااااااااااااااااااااااالد ،، شوفهمممم 
خالد : ياااااااااااااااااااعيون خالد ماحطوه ماحطوه ..
غلا (ويه وشو شفيه ذيه بعد ! ) ،،، (خالد اللي قالها بطيب نيه ولا قصد شي حس بصدمة غلا منها بس هو كلامه كله جي) 
غلا راحت وشوي نست قعدت تاكل كانت الساعه 10 راح عن بالها 
خالد اللي يصرخ من داره عليها ..
خالد : غلاااااااااااا ياغلا يمشي لها ( غلا تذكرت نتيجتها ) وجات تركض 
مبرووووووووووووووك الف الف مبروك غلا وقفت ومن الفرحه مسكت ذراعه من فوق الثوب
غلا : احلف احلف كم كم كمممممممممم
عمر اللي قام على صراخهم 
خالد : سبعه وتسعيييييييييييييييييييييييييييييين الف الف الف مبروووووووووووك تستاهليييييييين اكثثثثثثثثثثثثثثثثثثثثثثثر ياغلاااااااا
غلا: واااااااااااااااااااااااااااااااي (قعدت على الكرسي ) حمدالله ياااااااااااااربي 
خالد : وانت؟
عمر: ايهاااااء داري انا كم قول
خالد : عمور ترا صدمتني
عمر : بسم الله ليش خالد شنو
غلا وقفت على حيلها : شصاير خالد ، نتيجة عمر كم ؟
عمر تشقق : أي والله ( بس يبي يهذر وياها ) مادري شالسالفه
خالد بصوت عااالي يطالع السقف وهو مررجع راسه تسعه وثمانيييييييييييييييييييين هاهاي 
عمر : لالاااااااااااااااااااا عيااااااااار مستحيييييييييييل اصلآ،، قلبــــــــــــــــــــــــــي
غلا اللي فرحت من كل قلبها وقعدت تطالع عمر بنظرات وهو يلم اخوه 
عمر وقف يطالعها ..
غلا : الف مبروك عمر ..
غلا : يبارك فيج غلاا .. 
وراحت غلا وهي مستانسه و خالد اللي يفكر بهديه لهم طلعه ولا عشا راح بشر الكل وجاها عمها سعد وعطاها هديتها وطلعها على الغدا


--------------------------------------------------------------------------------





¸.•´¯`•.¸><((((؛>الفصل الخامس<؛))))><.•´¯`•. 


اتصلت غلا من موبايل عمها فالمطعم تبارك حق عاليه رفيجتها الللي جابت 90,5% ههه (العن خيرهم بوحمص)،،،
غلا اللي كل شوي عمر يطري على بالها وتضحك كل ماطرى عليها...
سعد: هههه شفيج غلا ؟
غلا : ها لا ولاشي عمي ..
سعد : كل شوي تظحكين ظحكيني ويااج!
غلا : هههه لا بس ماصدقت متى تطلع النتيجه ، جننت خالد المسكيين اليوم ..
سعد : لا والله ! شلون ؟
غلا : لا بس هو اللي طلع نتيجتي وانت تعرف انا شلون خوافه 
سعد : ههههه ياحليله ،، تدرين عااد .. خالد أحن واحد فيهم أحن من سعود (غلا تبقق عينها!)
غلا : عمي سعود يحن ههههه شدعوى 
سعد : والله العظيم سعود قلبه طييب لاتغرج عصبيته الدايمه لا قدر الله خل يصير بعياله شي يجن جنوووووووونه وقتها ( غلا تطالعه بتشوق عشان يكمل كلامه ).. مره من السنيين اللي طافت عمر جاته صخونه قويه وطاح عليهم ( وايييه عليه )،
سعود انا استغربت منه يراكض للدكاتره جنه ياهل ..
غلا وايد عورها قلبها تمنت لو ابوها عايش ويخاف عليها مثل ماعمها سعود يخاف على عمر.. دمعت عيونها ونزلتها وهي تلعب بالعود اللي فالكاس ..
غلا : الله يخليه لهم انشالله..
سعد : بس مايمنع ان خالد كان بوقتها حنون بعد 
غلا : هـهـه ، شلون ؟
سعد : كاان خالد تقريبآ بو 11 سنه ، رجال يعني كان متخرع وايد على اخوه الوحيد لدرجة انه لما رجعت وياه البيت صاح
غلا : صااااااااااااااااح!!!!! (( بصدمه )) ؟؟؟؟؟
سعد : أي والله ..
غلا : ماشالله عليهم ،، الله لايفرق بينهم ..
سعد : اميين الله يسمع منج ، بس خلود راااااااااااااااعي نكته 
غلا : أييييي هههههههه واي بس اقعد وياه بطني يذبحني من الظحك مااقدر
سعد : ههههههه وارثها مني 
غلا : صح صح عمي ..

رجعها عمها للبيت بطلب منها قالت تبي تريح شوي ،، وقال لها بيمر عليها ويوديها بيت ابوهم العود قريب المغرب..
حطت غلا الاكياس وفصخت عباتها وانسدحت على بطنها تشهق بصياحها ( يماا وينج ، يبا وييينك ؟ ليش رحتو وخليتوني ؟ ) وتشهق بصياحها تحس قلبها بيوقف ان زادت صياح .. عمها مادرى بسالفته هذي رجع عليها ذكريات ألييمه على قلبها وايد هي تحاول ماتفكر فيها بس .............
غاارت من قلبها على عمر وخالد ليش عندهم ابوين انتبهت حق كلامها ( انا شقول؟ الله يخليهم لهم انشالله .. ) 
ورجعت تصييييييييييييح من كل قلبها وصياحها على ووصل للطيفه اللي كانت فالصاله..
راحت تركض دار غلا وفتحت الباب .. 
لطيفه تمسك غلا اللي كانت قاعده على السرير وتصيييييح وهي مغطيه ويهها.. 
لطيفه : شفيج يمه ؟ شفيج ياغلا؟
غلا : .. (تصيح) ..
لطيفه تلمها وتهدي فيها : بس ياغلا ، بس ياحبيبتي شفيج قولي لي ؟ حد سوى لج شي؟ عمر قال لج شي؟ خالد قال لج شي ؟ عمج سعد شقالج ؟ .. ( تحس انها تهدي حد من اليهال) بس ياماما قومي حبيبتي ..
خالد اللي كان راجع من صلاة العصر سمع الصياح وتخرع على باله شي صاير فهله ومشى بسرعه لدار امه مالقاها تخرررررررع ركض لغلا وشافها تصيح وامه لامتها
اول مره يشوف مثل هالموقف غلا تصيح من كل قلبها مثل صياح أي ياهل كان وده يلمها عشان تسكت وايد حن عليهاا ..
يالمسكينه ياغلا ، لاتعورين قلبي انا ماقدر على مواقف جذي وانتي يايمه تصرفي سكتيها ..

خالد قعد على طرف السرير : شفيج غلا؟! ..
غلا تخرعت يوم سمعتهم .. ومن الفشله ماتبي ترفع ويهها لمت خالتها بقووه ، خالتها تخرعت حست شي صاير لمتها مب طبيعيه ، فجرت فخالتها شعور الحنيه اللي ماكانت فيوم متوقعته فيها .. حتى خالد استغرب من امه ، امه دومها جديه واذا حد صاح ماتلم عليه مثل هالشكل ، بس يمكن ليش هي بنت ؟؟؟؟؟؟
لطيفه : يمه خالد انت اطلع .. ( تطالعه بنظرات عشان يفهم ان غلا خجلانه منه )
خالد : انشالله يما .. (فصل ان تكون لخصوصيه راح وخلاهم على راحتهم ، بعد بنات شقول انا ؟) 
طلع وسكر الباب لقى عمر فويهه ..
عمر : شصاير ( وهو يبي يدش الدار )
خالد يمسكه من يده : لاتدخل بعدين تعرف..
عمر : بــــــس .........
خالد يقاطعه ويجره : امش زين 
قعد وياخالد فالصاله ويحس انه قاعد على الجمر غلا تصيح شفيها ؟ خالد قعد يدخن ..
غلا قالت حق خالتها اللي فيها وهدتها خالتها لين ماخلتها وناامت غلا ...
راحت لطيفه وقعدت وسط عيالها ..
عمر وهو متخرع : يمه ،، يمه شفيها غلا ؟ ليش تصيح ؟ شصاير !
لطيفه ماعجبتها حركة عمر: ليش متخرع هالكثر ؟ البنيه شوي متظايقه ..
عمر ( يااااااابعد طوايف هلي .. ) : من شنو يمه ؟
لطيفه : ولاشي سالفه ماتنقال ..
عمر انجب وخالد حمد ربه انه ماسأل عشان ماتجيه هالجعمه الكبيره ( ههههههههه)
لطيفه قالت لخالد عن صيحة غلا وسبتها ووايد عورت قلبه..
راح خالد وقعد مسك كتاااب بايخ ماعطيه رفيجه عن قصة واحد وقعد يقراه وهو مشغل أغنية نوال ( لجل عينـك ) .. على هالمقطع

(( مشااعر تنسجم مابيني وبينك ،،
يمررها خفوقي في شراييني ،،
تزيين دنيتي يازين من زينك ،،
وهبك الله الحسن ياكامل الزينِ ،، )) 

^^^
عجيبه الاغنيه ترا..

تملل وقعد يشرب بلاك كوفي ، ارتقلت يده وطاحت القهوه على الكتاب اللي يقراه 
خالد يكلم روحه : هههههههه يعني عمره ماتبخر تبخر واحترق ، والله بلشه ..

(( بعد المغرب جا العم سعد وخذ غلا وياه وباتت هناك ووداها الشاليهات ورجعوا ثاني يوم فالليل ،، وعمر بعد طلع مع ربعه من مجمع لين مجمع لاثووا ، وخالد عكسه ، طلع نص يوم مع ربعه على الغدا ولما رجع رااح نادي الرماايه .. ]ياعينييييييي عليك ياخطيير[..
دخل مع واحد من ربعه وحسها حلوه ولو انه مب محترف فيها بس عجبته كان محترف اكثر فالباسكت ويلعبها فالبيت ] ههه [ .. ))....



--------------------------------------------------------------------------------





¸.•´¯`•.¸><((((؛>الفصل ا لسادس<؛))))><.•´¯`•. 


رجعت غلا البيت وهي تمر صوب دار عمر ماشيه لدارها .. 
سمعت عمر قاعد بداره يغني صوته فظييييييييييييييع ،، صااافي وفيه شي جذااب وحجم غرفته مسوي صدا للصوت .. 

(( شويه ان قلت اشتاقك..
شويه ان قلت احتاجك..
شويه ان قلت انا كلي لك..
شويه ان قلت اهوااك..
لو تجمع حب العالم،،
كلام وشوق العالم،،
وكلام الحب واغاااني الحب،، 
ماتاسوي ياعمر ** غلاك** ،،)) ...

غلا اللي ماتت على صوته الرهيييييييب كان صوته صج حلووووو تبي تقعد تسمع لين باجر تحس مايمللها لو سمعت بعد وبعد وبعد ... 
انتبه عمر لظلها من بابه المردود ، وقال ..
عمر بصوت جذاب ومليان ثقه : حياج غلا ،، كنت ناطررج 
غلا اللي انصدمت ( انتبه ليي ! وييي ! وانا هاوشته ليش كان يطالعني ) ..
عمر شافها تأخرت قام من كرسيه ..



..غلا جدمت بخطوتها؟ رجعت بخطوتها؟ عمر غصبها تدخل؟ طنشها وقام قفل بابه؟
شبيصير بين غلا وعمر ياترى ؟ حد بيشوفهم ؟ و خالد وينه فهالجزء ؟ ..!

¸.•´¯`•.¸><((((؛>الجزء السابع <؛))))><.•´¯`•. 

عمر: دخلــــي غلا ،، ليش واقفه ،، ناطرج انا ..
غلا وهي تروح : لا ا مابي .. 
عمر يسبقها ويوقف بكيانه الذباح : غلا بتدخلين ،، كلمتين وامشي عني .. 
غلا تطالعه : كلمتين بس مانطول !
عمر يأشر على عيونه : من عيوني ، بس ها تسمعيني لين الآخر 
غلا: زيــن ..

( هاي شبيسوي الحين ؟ اخاف يمد يده ؟ والله اكسره ،، خنشوف شيبي ، نشوف آخرتها وياك ياحبيبي ! ؟؟؟؟؟؟؟؟؟؟؟؟؟ شنو ؟ عمر عمر مب حبيبي )
عمر سحب له كرسي بعد ماقعدت غلا على كرسي المكتب

قلب الكرسي وقعد عليه بالعكس ..
عمر يخزهاا 
غلا وهي منحرجه : عمر خلص شتبي ؟
عمر : غلاا يعني مو حاسه فيني 
غلا : ................ ( ماترد عليه ) ..
عمر : مو حاسه اني احبج ؟
غلا : .. عمر ماله داعي هالكلام ..!
عمر : تكفيــــــــــن غلا متى وقته اذا ماقلت لج انا احبج ؟
غلا : بس ياعمررر 
عمر : انتي اللي بس ، على بالج (يوقف وهو شوي معصب ) انا بقدر اكتم كل المشاعر اللي لج داخلي والله اللي فيني مايشيله عشرة رجااااااااجيل ،، احبج ماتحسين يعني ، قلت لج مره انا احبج وابييييييج ، والله ابيج يابنت عمي ( يقعد على ركبه ) ابيج والله بدم قلبي شاريج.. 
تكفييييييين بردي خاطري ردي علي الله يخليج غلا .. 

غلا ( اف كل هاي لي؟ والله ماستاهلك ) : عمر شقولك ؟ تنزل راسها وهي تعدل لفة شيلتها .. 
أنا بعد فيني هالاحاسيس بس ماجات الفرصه اني اقولك ......
عمر : كملي تكفييييييييين لاتسكتين..
غلا : اوكي عمر كل الي تحسه بمشاعر صوبي انا ابادلك اياها اوووووووكي! 
(غلا ارتااااااااااحت من الي قالته وشرررررررردت من الدار لدارها بسرعه ، انا شسويت؟ بس صارحته! ولد عمي واحبه .. يه .. )
عمر اللي ماااااااااااات من اللي قالته
يوقف جدام المنظره ،، يمسك ويهه : غلا تحبني؟ (يسطر روحه ) ،، تحبنييييييييي!
ررررررركض لدار خالد بسرعه اللي كان قاعد يبدل 
عمر :خلووووووووووووووووووووووووووووووووووووووووود
خالد : هلا هلا ها شفيك ؟ شصاير ؟
عمر : خلوووووود تحبني
خالد : من؟ 
عمر : بلا رباده خلود 
خالد : ههههههههههه ،، الموترجي خالد هاهاهاهااااي ،، شدراك انها تحبك ؟
عمر : توها قبل شوي انا كلمتها وقالت لي بس شردت عني 
خالد : ههههههههه أي قالت شهالبعبع المؤرف !
عمر يظحك : انجلعععع خلود هاي جزااااااي يالبليد 
خالد : اطلع اطلع فيني نومه بنت كلب لاا اكفر فيك ،، كش كش
عمر يقوم بعد مادزه خالد : مالت عليك قايم قايم ..
.*.*.*.*.*.*.*.*.*.*.*.*.*.*.*.*.*.*.*.*.*.*. *.*.* .*.*.*.*.*.*.*.*.*.*.*.*.*.*.*.*.*.*.*.

عمر قعد يمشي فالبيت يفكر بكلام غلا وغلا بعد تفكر بكل هالاحاسيس اللي بعمر لها ، من متى يحبني ؟ يحليله والله اني انا بعد احبه .. 
ثاني يوم الصبح كلهم متجمعين على طاولة الاكل ..
نزل خالد وهو شكله ررررررررهيب يفز له اقسى قلب ( العن خير التعبير بس ) ،، لابس ثوب للبيب نص كم والشعر شحلوه مرجعه كله على ورا وكان توه مقصقه والخصل تميل يمييين يسااااار ،، (ههه) ،، وكان محلق من الزين وريحة العطر تبرد الخاطر ..
خالد بنفسيه حلوووه وواظحه : صبـــــــــــاح الخـــــــــــــير ،،،
الكل : صباح النــور ،، 
خالد قعد وجنه يدور شي على الطاوله 
خالد : ليدي تلوفي ،، Where is my black coffee?
لطيفه : يالله،، ماجابوها ناد وحده تجيبها لك ..
غلا اللي كانت قاعده تقص وتاكل بطبق عجيب مسوينه على الريوق ( توست شبه محمص كل واحد مدهون بشي الجوكلت والمربى والجبن وزبدة الفستق ) 

خالد يقوم وهو يغني ويخزها هي وعمر وحاط ايد وحده بجيبه 
خالد : حبيتك تنسيت النوم وياخوفي تنساني حاابسني برات النوم وتارررررركني سهرااااااااااااااااانييييييي ..
غلا: ههههههههههههههههههههههههههههههههههههه(فطست عليه وهو يغني باللبناني)
خالد : هاهاهاهاهااااااااا عجبتج ؟ 
غلا: ههه أي 
خالد : ليش؟ قلت نكته ؟
غلا فتحت عينها ( ها؟ ) : .........!
عمر يطالع خالد وهو مرفع حاجب 
سعود: خالد يبه مو تبي قهوتك ؟ من هناك يكلمون الخدم
خالد نزل راسه وهو يحك قفاه من الفشيله : انشالله يباا..
ظغط على الانتركوم : Helloo0o0o0o!
دوانا : Yes MR.khalid!
خالد : Can I speek to Dwana?
دوانا: It's me , What you want ?
خالد : Can you go out with me this night
دوانا: hahahahahaaaa , Sure I will
خالد : كلي تبن زين ، Dwana Get my black coffee plz 2 me I want to eat ,,Quick plz
دوانا : Ok I will 
قعدو وجابو لخالد قهوته وتريقو ،، وخالد كل شوي ينكت لهم وبعدها قامو يشوفون الـT.V مع بعض خالد وغلا وعمر كانو على سوفه وحده 
عمر انسدح وصار ويهه قبال غلا ..
غلا قامت غيرت مكانها ، خالد يخزه بنظرات ( تسنع ويأشر على رقبته يعني لا أذبحك) 
عمر هز راسه وراح داره ,,,
قعد يرســـــــــم رسم ممر من الجليد متناثره عليه اوراق شجر من فصل الخريف ، كانت الرسمه غريبه شوي ودخل في تفاصيل دقيقه وايد بالرسم لمعة الثلج على الرصيف وعروج الاوراق ،، ظل الورقه او انعكاسها على الثلج ....

خلصها وخلاها قام يبي ينزل المسبح متملل مايعرف شيسوي غلا لو يطق راسه بالجدار ماكلمته كلمتين حلوين .. 
نزل المسبح ودخل بدل طلع بشورت اسود بس 
طب بالمسبح وقعد يتسبح وهو مشغل التلفزيون متملل ماوعي الا بواحد جاااااي ركض وطب وياه ...!.!.!


عمر : بففففففففففففففف ( عن الماي اللي تخرس به ) ، من ، ماغيرك المطفوق خلود
خالد : هاهاهاهاهاهاهاهاههاهاا واكاكاكاكاااااااك انا قالو لي انك هني ودريت المعشوقه مو وياك قلت اجييييي اصير لك معشوق ازلي ( يلمه ويخنقه ) 
عمر : آآآآآآآ وخر وخر ذبحتني
خالد : ههههههههههههههههههههههههه احسنييييييييييييين 
قعدو يتسحبون وغلا كانت طالعه تمشي بالحديقه وسرقت النظر من دريشه صغيره من 
المسبح تطل على الحديقه رفيعه كانت شوي ماانتبهوا لها وهم ضحكتهم مسندره المكان..
طلعو من بعدها وتسبحوا ولبسو ورجعوا لداخل الفيلا ..

خالد وعمر فتحو عينهم على وسعهااااااااااااااا الذباح 

لما دخلو ؟ شلقو؟ ليش فتحو عينهم ؟ البيت على ماهم خلوه ؟ غلا بترجع من الحديقه ؟ ولا بيصير لها شي؟ العم سعد حبيب غلا وينه عن هالبارت ؟
L E V I
L E V I
عميل خبير
البلد |✧ : الجزائر
عدد المساهمات |✧ : 708
تاريخ التسجيل |✧ : 12/09/2018
الجنس |✧ : انثى
http://www.theb3st.com

عام رد: غلا قصة رائعة بس طويلة

الأربعاء سبتمبر 19, 2018 7:13 pm
شكـرآ لك

بانتظار كل جديد منكـ

غلا قصة رائعة بس طويلة 220630410
яσσ7є т7вк
яσσ7є т7вк
عميل خبير
البلد |✧ : المملكه العربيه السعوديه
عدد المساهمات |✧ : 500
تاريخ التسجيل |✧ : 19/09/2018
الجنس |✧ : ذكر

عام رد: غلا قصة رائعة بس طويلة

الخميس سبتمبر 20, 2018 1:19 pm
موضوع في قمة الخيااال
طرحت فابدعت
دمت ودام عطائك
ودائما بأنتظار جديدك الشيق
لك خالص حبي وأشواقي
سلمت اناملك الذهبيه على ماخطته لنا
اعذب التحايا لك غلا قصة رائعة بس طويلة 446563842 غلا قصة رائعة بس طويلة 3415702200.
тмηєтк
тмηєтк
عميل خبير
البلد |✧ : المملكه العربيه السعوديه
عدد المساهمات |✧ : 500
تاريخ التسجيل |✧ : 21/09/2018
الجنس |✧ : ذكر

عام رد: غلا قصة رائعة بس طويلة

الأحد سبتمبر 23, 2018 11:59 am
موضوع رائع وجميل
نتظر جديدك بفارغ الصبر
بالتوفيق يارب  
غلا قصة رائعة بس طويلة 1845641411غلا قصة رائعة بس طويلة 3415702200.
روح الأسد
روح الأسد
عميل خبير
البلد |✧ : سوريا
عدد المساهمات |✧ : 800
تاريخ التسجيل |✧ : 04/11/2018
الجنس |✧ : ذكر

عام رد: غلا قصة رائعة بس طويلة

الجمعة نوفمبر 09, 2018 12:12 am
كم اسعدني رؤية متصفحك
وكم هو رااائع ان اجد هذا الذوووق الرفيع
يستنشق عبق الحيااة
طرح راااقي جدا ومميز
جزاك الله كل خير
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى